BIBLE LEH HISTORY-A EUNUCHS TE HI TUAI LEH PATIL(HOMOSEXUAL) TE AN NI

Eunuch hi eng nge?

Thuthlung thara eunuch hi Greek thumal “eunouchos” atanga lo kal a ni a, a thu ziak ang anga(literally) lehlin dawn chuan eun hi “for bed” a ni a, echein hi “to keep” tih na a ni, “Keeper of bed” , “Bed guard” tih na a ni ber. A definition ang zawnga kan sawi dawn chuan eunuch hi “mipa, nupui nei theilo or mipa, hmeichhe chunga sex lama hip na leh it na neilo ( a man incapable of marriage, not sexually attracted to woman or unwilling to marry a woman) tihna a ni. He ta mipa, nupui nei theilo han tih hian a duh thlanna vanga nupui nei duh lo lam nilovin hmeichhe chunga sexual attraction nei lo, heterosexual ho inneihna ang tawmpui ve lo gay/ tuai kan tih ang chi or asexual, midang chunga sexual attraction nei lo chi te hi an ni, an lo ti bawk a ni. Hebrai tawngin eunuch hi saris an ti a, saris-eunuch hi mipa tilreh sak te leh reh sak loh born eunuch kan sawi mekte sawi nan an hmang ve ve a ni.

Thuthlung tharah hian Isuan eunuch chithum an awm thu a sawi a (Mathai.19:12), mizo chuan, “mi tilreh” kan ti tawp mai a. Mi tilreh chi-thum zingah hian physically a tilreh sak loh, nu pum chhung atang renga piang Isuan an awm thu a lo sawi a. Nu pum chhung atang renga he tianga piangte hi English ah chuan born eunuch tih a ni a. He ta born eunuch chungchangber hi tun tuma kan focus tum leh zir chian kan tumbera pawh chu a ni.

Hmanlai Bible hun atang tawh reng khan tuna kan sawi mek te hi an lo awm tawh a, born eunuch ni ve lo te hi chu castration an lo ti thin a, nupui an nei thei tawh lo a ni ringawt zel mai a, chi pawh an thlah thei tawh lo a ni. Mahse Isua sawi born eunuch te erawh an danglam bika, danglam bik kan tihna chhan te kan la sawi zel turah ngai ila. Isuan Mathaia 19:12 ah tihian a lo sawi a, “ Mi tilreh, an nu pum chhung ata chutianga piang rengte an awm a; mi tilreh, mihring kuta rehte an awm bawk a; mi tilreh, van ram avanga tilreha in siam chawpte an awm bawk a”, a ti a.

Mi tilreh chi-thum awmte zinga ahmasabera nu pum chhung atang renga piang a tih khi tute nge ni?

John McNeil-a leh anti-gay Dr. Robert Gagnon chuan, “mi tilreh nu pum chhung atanga hetiang renga piang Isua sawite khi tun laia “homosexual (tuai/patil)” kan tih te hi an ni,” an ti a ni. Scholar thenkhat (straight) te chuan born eunuch te hi patil/tuai te an ni lo, pianpui nihna atanga chithlah theilo chingte an ni an ti a, mahse Bible a born eunuch a sawite reng reng hi tilreh sak emaw, chithlah theilo an nih thu a sawi lova, born eunuch te hian chi an thlah theih zia hmanlai thawnthu atang kan hre thei bawk a ni (According to the Talmud, a born eunuch was capable of producing semen or possessed working testicles). Isuan Mathaia 19:12 chungchanga born eunuch a sawi hian fa nei theilo or chingte chanchin a sawi lova, inneihna pangai Adam leh Evi te inneihna ang pawmpui theilo mihring chi-thum a rawn sawi mai zawk a ni. Chithlah chungchang rawn sawi ni sela chuan Isuan chingte chanchin a sawina a ni kan ti thei a nga, mahse inneihna pangai heterosexual(straight) Edam leh Evi te inneihna an sawi a, chutiang ang inneihna pawmpui theilo te chungchang sawi zawmna a nih avangin he ta born eunuch hi chingte nilovin homosexual (tuai/patil) te an ni tih hi kan hre thei a ni. Straight mipa leh hmeichhe ching te chuan Adam leh Evi te inneihna ang chu an tawmpuiin an practice mek bawk a ni.

Mathaia 19:12 a in ziak born eunuch Isua sawite hi homosexual(tuai/patil) te an ni, tih thu hi tun maia kan phuahchawp leh midang rilru lak nana sawi ve mai mai kan ni em le? Nge history atang tawh renga Bible lama mi thiamte leh mi zirmi tena an lo sawi daih tawh thil kan society hian kan lo hre ve chauh zawk? Ilo en dawn teh ang.

Clement of Alexandria, who died around AD 215, gave this warning about eunuchs: "Many are eunuchs; and these panders, serve without suspicion those that wish to be free to enjoy their pleasures, because of the belief that they are unable to indulge in lust. But a true eunuch is not one who is unable, but one who is unwilling, to indulge in pleasure [with a woman]."

Clement hian heng born eunuch(tuai/patil) te hi hmeichhe itna neilo an ni a tih mai bakah, Isua sawi ang khan an duhthlanna avanga hetianga awm nilovin van lam atanga Pathian siam dan renga piangte zawk an nih thu a lo sawi ve bawk a ni.

Gregory of Nazianzus, AD 329-389 pawh hian born eunuch chungchang hi sawiin, born eunuch te hian hmeichhe it na an nei lo, a ti ve bawk a, an duh thlanna vanga hetianga awm an nih loh zia leh Isua sawi anga an pianpui nihna a nih zawkzia a lo sawi bawk a ni.

Modern Theologian John McNeil te leh anti-gay Dr.Robert Gagnon te, Anti-gay Christian psychologist Dr.James Dobson te ngei pawn born eunuch te hi “homosexual(tuai/patil)” te an ni an lo ti a, midang tamtak sawi tur la awm mahse a sei dawn em avangin duh tawk mai ila. Thenkhat te chuan Bible a born eunuch a sawi hian mipa chauh a ni zel thina, patil(lesbian) te hi a huam tel ve dawn em ni? an ti thin a. Kan hriat theuh tawh angin kan Bible ah hian hmeichhe chanchin hi a lang khat em em a, thuthlunghluiah phei chuan pawimawhte zinga pawimawh zualte bak sawi lan an ni ngai lo, Isua thih hma pawh khan hmeichhia leh naupangte chu sawi tel an nih ngai loh kha. Mahse homosexual tia an sawi tawh hrim hrim chuan patil(lesbian) te an tel ve nghala, tin, a chunga kan sawilan te pawh khian hmeichhe thenkhat te hi born eunuch zingah an tel ve thu an lo sawi bawk a ni.

Awle, kan sawi sei tawh hle bawka, ziah tur tamtak la awm mahse kan ziak tawh lo mai a nga, tuna kan sawi atang pawh hian born eunuch te hi tunlaia kan sawi TUAI leh PATIL(homosexual) te an ni tih kan hre thei a, an duhthlanna avang leh awm herh avanga awm an nih loh zia leh natna chikhat a nih loh zia te, siamtu Pathian siam dan a nih zawkzia te kan hre theuh tawhin a rinawma, thil reng reng hi kan sawisel hma hian a chhan leh vang hi hriatfiah I tum hmasa thin ang u. Chhiartu Lalpan malsawm che u rawh se. Amen.

Note: Hei aia zau zawka chhiar duh te tan he mi link ah hian in chhiar zawm dawn a nia.  

http://www.gaychristian101.com/Same-Sex-Attracted-Eunuchs.html